O vindeiro venres 16 de decembro celébrase en Xove a IV Gala do emprendemento local organizada polo Departamento de Emprego e Desenvolvemento Local.
Esta cita faise co obxectivo de poñer en valor o talento emprendedor e o apoio ao empresariado local. Será no salón de actos municipal ás 20.30 e contará coa interpretación musical de Guadi Galego.
A gala abrirase coa presentación do alcalde José Demetrio Salgueiro Rapa e nela intervirán Rosa Lage Canoura da AEDL, Ignacio Rodríguez Basanta de Evox Vertical, e Andrea González Río, de Topic Gaia.
Para asistir á a este evento non é necesario reservar entrada pois o acto é libre e de balde.
