O Concello de Monforte pon en marcha un programa de obradoiros de artesanía nos que os técnicos do sector artesán poderán transmitir o seu arte e axudar a comunicar o valor engadido dos produtos de artesanía.
Esta nova iniciativa ten como obxectivo poñer en valor e dar a coñecer os oficios tradicionais coa intención de xerar interese na poboación e fomentar que xurdan posibles novos artesáns, aprendendo disciplinas tradicionais da man dun profesional que domine a técnica.
Os obradoiros serán de costura creativa, cestería, pintura, cosmética natural e barro.
O desenvolvemento dos obradoiros terá lugar no Local social de Ribas Altas, de Piñeira e na Praza de Abastos de Monforte e, dependendo do número de inscricións, os horarios poderán ser de mañá, de 10.00 a 12.30 horas, ou de tardes, de 16.30 a 19.00 horas.
Por outro lado, desde o Concello infórmase de que se organizarán grupos en función das idades, pero tamén serán interxeneracionais.
Estes cursos comezarán o 13 de marzo e as persoas interesadas teñen de prazo ata o 15 para poder inscribirse a través da oficina Promoción económica- Casitas Compañía Monforte a través dos números 698181551/982884775 ou ben a través do correo electrónico coa dirección: Emprego_pe@concellodemonforte.com.
Estos obradoiros son realizados ao abeiro do proxecto ‘Circuítos de artesanía e música galega’ do’ Programa Territorio Cultura, ao abeiro dos fondos NextGenerationEU e o Mecanismo de recuperación e resilencia do Regulamento (UE)2021/241. AGADIC.
