Fotografías de Paco Salgueiro
As Maulas naceron hai 300 anos como unha feira franca ou libre, na que os veciños de Galdo vendían aparellos de labranza, gando, pan, viño, panos ou froita. Celébrase sempre a segunda fin de semana do mes de maio, en Vilar de Abaixo na Feira de Galdo.
Este tipo de feiras comarcais tiveron sempre unha importancia de primeiro orde no concerto económico-social de Galicia. É unha das feiras equinas máis antigas da Galicia e tanta era e é a súa fama que ademais de xente de toda Galicia achéganse tamén moitas persoas amantes dos cabalos de Asturias e León.
Ao principio era unha feira mensual que se celebraba todos os segundo domingos do mes e de cada ano. Foi en 1721 cando o Real Consejo de Castilla legalizouna a través dunha Real Cédula, ano no que tamén conseguiron legalizarse outras feiras como as da Pascua de Covas ou as de San Bartolomeu en San Isidoro do Monte.
Cara a finais do século XIX primeiro do XX puxeronse d emoda as carreiras de cabalos que eran un dos maiores atractivos da feira
Pasados os anos, a feira seguiu evolucionando e o Concello de Viveiro aprobou a creación dunha nova feira para toda clase de gando e froitas, que se celebraría no mesmo lugar, o cuarto sábado de cada mes.
Finalmente, desapareceron as feiras do segundo domingo e do cuarto sábado, en Galdo, conservándose unicamente a Feira das Maulas grazas ao esforzado traballo dos veciños.
Non 2021 Paco Salgueiro realizou un documental sobre esta celebración ‘Maula, 300 anos legalizadas’. A través das testemuñas dos veciños de Galdo, o documental recolle a esencia do evento e conmemora os primeiros 300 anos da oficialidade da Feira das Maulas, desde aquel 1721 no que o Real Consejo de Castilla legalizouna.
Este ano a Feira das Maulas de Viveiro celebrarase o vindeiro domingo 14 de maio en Galdo.
