Coincidindo coa celebración do Día das Letras Galegas o Colexio Plurilingue Cervante organiza a XIII Carreira Solidaria Memorial Profe Alberto, proba na que participarán preto de 780 atletas, e na que colaboran a Concellería de Xuventude e Deportes.
A saída e a meta estarán situadas na inmediacións da Avenida Reverendo Xosé Fernández Núñez polo que se procederá ao corte de diferentes rúas da cidade entre as 9.00 e as 13.30 horas.
As probas darán comezo ás 11.00 horas coa de pitufos, que percorrerán 15o metros. A partir das 11.15 e cada dez minutos sairán as seguintes: bexamín (350 metros), sub 10 e sub 12 (700 m) e sub 14/16 (1.050 metros). Ás 12.00 está prevista a saída da categoría absoluta, que ten catro quilómetros de percorrido.
As rúas afectadas polo percorrido das diferentes probas son as seguintes: Rúa Anselmo Sampedro Ania, Avenida Reverendo Xosé Fernández Núñez, Rúa Camiño de Pipin, Rúa Otero Besteiro, Rúa Poeta Manuel María, Praza Viana do Castelo, Rúa das Fontes, Rúa Arquitecto Alfredo Vila e Rúa Arquitecto Eloi Maquieira.
Será preciso a liberación de zonas de estacionamento de vehículos en ambas marxes da Avenida Reverendo Xosé Fernández Núñez (entre Rúa Anselmo San Pedro e Rúa Arquitecto Alfredo Vila), para el montaxe de infraestructura da Saída e Meta nesta Avenida.
O plan de tráfico quedará do seguinte xeito:
- 9:00 h. Corte do tramo de Avda. Reverendo Xosé Fernández Núñez (entre Rúa Anselmo San Pedro e Rúa Arquitecto Alfredo Vila) para montaxe de zona saída/meta.
- 10:45 h. Corte das rúas afectadas polas probas.
- 12:45 h. Apertura prevista das rúas afectadas agás o tramo de saída/meta de Avda. Reverendo Xosé Fernández Núñez
- 13:30 h. Apertura da vía que estaba pendente de apertura (Avda. Reverendo Xosé Fernández Núñez ) una vez desmontada a zona de saída/meta
