A Casa das Insuas de Rábade continúa co seu programa de primavera coa celebración dun obradoiro de plantas silvestres medicinais, aromáticas e comestibles, que terá lugar o sábado 27 de maio de 16:30 a 19:00 con sede no propio local.
O obxectivo do curso é percorrer os arredores da Casa das Insuas para desfrutar da ampla diversidade botánica da zona e coñecer as características medicinais, aromáticas e comestibles das plantas da contorna.
O curso ten prazas limitadas e a inscrición debe realizarse neste enlace . Os que desexan máis información poden solicitala en custodiadoterritorio@gmail.com ou no 630 948 293.
Esta actividade inclúese dentro do acordo de custodia do territorio asinado entre a AGCT e a Deputación de Lugo para a conservación, investigación e divulgación da natureza nas Insuas do Miño e Ollos de Begonte e na Reserva da Biosfera de Terras do Miño.
