O Concello de Trabada informa que se abre o prazo de inscrición no servizo de conciliación familiar e laboral Trabada Concilia 2023-2024 e que remata o 12 de xuño de 2023.
As familias interesadas neste servizo xa poden facer a solicitude para os programas de Campamento de Verán 2023, Ludiseráns, Madrugadores e Curso de natación para o curso lectivo 2023-2024.
O Servizo de Madrugadores, Ludiseráns e Cuso de Natación está dirixido aos nenos e nenas nados entre o 1 de xaneiro de 2011 e o 31 de decembro de 2020. O campamento de Verán 2023 está dirixido aos nenos e nenas nados entre o 1 de xaneiro de 2011 e o 31 de decembro de 2019.
O horario dos Madrugadores será dende as 8.00 horas ata o comezo das clases durante o período lectivo. Os ludiseráns serán dende as 16.00 horas ata as 19.00 horas de luns a xoves e ata o regreso dos cursos de natación os venres. O campamento de verán será dende as 10.00 ata as 14.00 horas de luns a venres durante os meses das vacacións lectivas do verán.
Madrugadores desenvolverase dende o mes de setembro de 2023 ata o mes de xuño de 2024 nas instalacións municipais do Concello, durante os meses do curso escolar. Ludiseráns desenvolverase dende o mes de outubro de 2023 ata o mes de maio de 2024 nas instalacións municipais do Concello, durante os meses do curso escolar. O Campamento de Verán desenvolverase dende finais de xuño de 2023 unha vez rematado o curso escolar ata finais de agosto de 2023 nas instalacións municipais do Concello de Trabada. E o curso de natación desenvolverase na piscina municipal de Ribadeo. Comezará no mes de outubro de 2023 ata maio de 2024 e o Concello de Trabada pon a disposición o servicio de transporte gratuíto desde Trabada ata Ribadeo.
Toda a información sobre este servizo pódena encontrar na sede electronica ou nas oficinas municipais do Concello de Trabada.
