A Confederación Hidrográfica do Cantábrico finalizou os traballos de mantemento e conservación no leito do rego Aira Ponte entre Ouselle e A Borquería no municipio de Becerreá.
As actuacións, cun investimento aproximado de 6000 €, executáronse nun tramo rural de 530 m de lonxitude co propósito de retirar árbores caídas e adecuar a vexetación de ribeira para evitar a formación tapones e manter a capacidade de desaugadoiro do leito.
Estes traballos realizáronse a través da empresa pública Tragsa dentro do Programa de mantemento e conservación de leitos que desenvolve a Confederación Hidrográfica do Cantábrico fóra das zonas urbanas, nas que os labores de conservación e mantemento de leitos son competencia dos concellos.
