As actividades, abertas e gratuítas a toda a xuventude, terán lugar os mércores 5, 12 e 19 de xullo, en horario de 17.00h a 21.00h, en diferentes prazas da cidade.
O goberno de Lara Méndez, a través do Servizo de Prevención de Drododependencias e outras adiccións, adscrito á concellería de Xuventude que dirixe Mauricio Repetto, e dentro do Programa +XTÍ 2023 subvencionado polo Ministerio de Sanidade (Plan Nacional sobre Drogas (PNsD)), convida á xuventude a participar no mes de xullo, en diferentes actividades deportivas e de estilos urbanos ao aire libre.
As actividades, serán abertas e gratuítas a toda a xuventude, terán lugar os mércores 5,12 e 19 de xullo, en horario de 17.00h a 21.00h, en diferentes prazas da cidade – Augas Férreas, Roxa de Fingoi, Agro do Rolo – nas que os participantes poderán gozar, experimentar e coñecer disciplinas menos comúns tales como, xaula freestyle, parkour park, dinamización de rap, canasta doble, break, streetworkot, slackline, etc.
O sábado 22 de xullo, está previsto que teña lugar, no Parque Rosalía de Castro, un campionato de street workout “disciplina de adestramento practicada na rúa que supón un auténtico estilo de vida para os seus practicantes e que vai máis aló do mero adestramento” explicaba a rexedora.
Ademais do beneficio que proporciona calquera actividade deportiva para a saúde física e mental, as actividades que se desenvolverán durante ese mes, enfocáronse cara á cooperación entre os practicantes, de modo que se compartan experiencias vivenciais, explorando as habilidades, perfeccionar a destreza, mellorando a autoestima persoal, fomentar as relacións interpersoais, facilitando coas devanditas actividades a aprendizaxe de valores como o respecto cara aos demais.
Estilos urbanos e deportes na Rúa:
Mércores 5 de xullo de 17:00 a 21:00 h. Praza de Augas Férreas
- Obradoiro de Beatbox
- Xaula Freestyle e Parkour Park
- Dinamización de Slackline
Mércores 12 de xullo de 17:00 a 21:00 h. Praza Roxa de Fingoi
- Obradoiro de Cap Paint
- Xaula Freestyle e Canasta Doble
- Dinamización de Rap
Mércores 19 de xullo de 17:00 a 21:00 h. Praza Agro do Rolo
- Obradoiro de DJ
- Xaula Freestyle e Canasta Doble
- Dinamización de Breakdance
Sábado 22 de xullo Parque Rosalía de Castro
Campionato de Street Workout
- 10:00 a 13:00 – Open Practice
- 16:00 a 18:00 – Check-in Participantes
- 18:00 a 19:00 – Open Practice
- 19:00 a 21:00 – Campionato
- 21:00 a 22:00 – Entrega de premios
