Este mércores, 26 de xullo, o goberno local de Monforte levará a cabo obras de mellora na rede de abastecemento de auga na rúa Roberto Baamonde, na acometida de abastecemento municipal ubicada á altura do nº 1.
Os traballos suporán que se leven a cabo cortes dende as 9.00 horas no subministro de auga que afectarán á propia rúa Roberto Baamonde, dende a rotonda de Correos ata o cruce coa Avenida de Galicia, e na marxe dereita da Avenida de Galicia á altura da parada de taxis.
Os cortes no abastecemento, manterase ao longo da mañá, mentres dure o desenvolvemento das obras, polo que desde o goberno local piden desculpas e paciencia aos usuarios desta zona por non ter o servizo habilitado pola mañá.
