O Concello de Pol organiza un novo campamento de conciliación para rapaces de 3 a 12 anos de idade.
O campamento terá lugar entre o 1 de agosto e o 8 de setembro en horario de mañá, de 10 a 14.00 horas. Os grupos organizaranse por semanas.
Durante o mesmo desenvolveranse actividades artísticas, medioambientais, sociais, emocionais, de igualdade, deportivas, tecnolóxicas e excursións entre outras.
As prazas son limitadas e a inscrición debe realizarse antes de que remate o día 26 de xullo, a través do rexistro do Concello. A selección realizarase en función da renda.
