O Concello de Carballedo vén de anunciar que a partir do vindeiro martes, 3 de outubro, comezarán as clases de ioga para as persoas empadroadas no Concello que necesiten ou queiran participar deste exercicio deportivo.
Desta maneira, todos os martes e xoves de 18.15 a 19.30 horas, as persoas que se inscriban poderán participar desta actividade levando unha colchoneta, unha manta e roupa cómoda para poder desenvolver os exercicios.
O ioga é unha práctica saudable que, segundo os que a practican, contribúe a conseguir un equilibrio entre a mente e o corpo.
