Este mércores, 20 de setembro, haberá unha andaina polo Camiño Norte de Santiago ao seu paso polo concello de Abadín.
Partirase ás 11.00 horas dende a igrexa de San Cosme de Galgao e rematarase na praza da feira de Gontán unha hora e media despois.
Ao finalizar a andaina agasallarase aos participantes cun diploma conmemorativo acompañado duns aperitivos, na nave de cristal de Gontán.
A ruta ten unha lonxitude de cinco quilómetros e é de dificultade media baixa.
