Esta semana comeza o ciclo de actividades dirixidas para os maiores, organizadas polo Concello de Bóveda, que non terán custo para as persoas participantes que quieran exercitarse, tanto mental como fisicamente.
As propostas inclúen actividades de memoria e ximnasia de mantemento, que terán lugar tanto en Bóveda como nas distintas parroquias durante os meses de outubro e novembro.
Así, todos os veciños e veciñas que precisen destas actividades para mellorar a súa saúde e, de paso, desfrutar da compañía dos seus iguais, poderán apuntarse a estas actividades no Concello de Bóveda.
