Os profesionais do sector da restauración teñen unha cita o vindeiro xoves 19 no Concello de Bóveda. O mercado gandeiro de Rubián acollerá unha xornada gastronómica sobre o proceso de elaboración da carne.
Neste encontro explicarase o proceso de maduración das carnes e o corte, así como tamén o proceso de atemperado, cociñado e fileteado deste produto.
Ribeira Sacra- Courel Grupo de Desenvolvemento rural e a Axencia Galega de Desenvolvemento Rural son algunhas das entidades que colaboran na organización e desenvolvemento desta xornada.
