A Asociación Cultural Chimchiribote de Pol celebrará o domingo 28 de outubro unha feira de troco de segunda man que leva o nome II Baleira Galpóns, que terá lugar na Carballeira de Mosteiro a partir das 11.30 horas.
Trala apertura da feira, na que se intercambiarán produtos de segunda man de todo tipo, actuarán Os Valuros, ao redor do mediodía para seguir, ás 13.30 horas coa sesión vermú en foliada aberta.
Pola tarde continuará a programación co aberto de billarda e xogos tradicionais para pechar a xornada cun concerto de Manu Kasoaparte, a partir das 19.00 horas e unha jam session.
