Rebuldeira Teatro organiza unha nova representación teatral, desta vez ‘Cita previa’, que se representará este sábado no campo da feira da Pobra de San Xiao, en Láncara, ás 12.00 horas e na Casa da Cultura do Concello de Sarria o vindeiro domingo, día 19 de novembro.
Desta maneira, o grupo de teatro finalizará a súa xira nesta tempada en Láncara e Sarria cunha obra de historias dispartadas nas consultas médicas, enmarcada dentro do Circuíto Galego de Teatro Amador 2023, patrocinado por FEGATEA e coa colaboración do Concello de Sarria.
Desde o grupo animan a todas as persoas a participar e esperan que todos os que non puideron acceder á representación no primeiro pase de setembro, pola falta de aforo da sala, poidan “acompañarnos e pasar un rato agradable cheo de gargalladas”, sostiveron.
