O equipo do FSF Castro Bloques Cando logrou este mércores a súa clasificación para a fase de cuartos de Final da Copa da Raíña, logo de vencer ao Ourense no pavillón dos Remedios por 4-6.
Gran resultado para o equipo chairego, que queda, xunto ao Burela, como únicos representantes de Galicia nesta competición de ámbito estatal.
O conxunto chairego disputou a terceira volta desta competición logo de superar ao Sala Zaragoza en outubro.
A seguinte cita do equipo será no mes de abril, cando se fará a competición de cuartos. Previamente se coñecerá ao próximo rival do Castro, na súa procura da gran Copa do fútbol sala feminino.
