O Concello de Cervo abre o prazo de solicitude de axudas dirixidas ás Anpas e aos centros escolares do municipio -Ceip de Cervo, Ceip Península da Paz e IES Marqués de Sargadelos-.
A convocatoria permanecerá aberta ata o 21 de decembro.
Tal e como sinalou a rexedora, Dolores García Caraméns, “o fin desta liña de axudas é o de contribuír a fomentar as actividades educativas e lúdico-culturais que promoven estas entidades ao longo de todo o ano e que van dirixidas a dinamizar a comunidade escolar, e brindarlles ao tempo unha axuda económica para que poidan facer fronte aos seus gastos de funcionamento”.
O rexedor apuntou que “reservamos unha partida orzamentaria de 7.500 euros que se vén sumar a outras axudas que temos dispostas dende o Concello dirixidas á comunidade educativa tanto para a compra de libros e material escolar como para transporte”.
As bases están dispoñibles para a súa descarga no taboleiro de anuncios da web municipal https://cervo.sedelectronica.es/board/.
