O club de atletismo CD Egovarros de Viveiro e o Club Ciclista Viveiro en colaboración co Concello e a Deputación organizan a tradicional carreira popular do 30 de decembro.
Esta proba deportiva dará comezo ás 16.00 horas coas carreiras de categorías de menores, para despois ás 17.00 comezar a carreira absoluta.
A saída e a meta estará situada na praza Maior, e as inscricións poderán facerse ata o 28 no email egovarros@gmail.com ou no teléfono 982 598 160. O custe da inscrición é de 5 euros para a carreira absoluta, pois a dos menores é gratis.
Os tres primeiros nenos participantes de cada categoría recibirán unha medalla conmemorativa da carreira e na absoluta haberá agasallo para os primeiros clasificados.
