O Concello de Monterroso convoca o IV Concurso de decoración de Nadal no que o tema a desenvolver xirará en torno ao ambiente destas datas. Para participar será necesario inscribirse cubrindo o impreso que se pode recoller no espazo cultural Lorenzo Varela.
Os impresos debidamente cumprimentados presentaranse no correo electrónico concursos.concello.monterroso@gmail.com antes do 11 de decembro sendo preciso enviar ata un máximo de 3 fotos do elemento decorado, facendo constar no asunto do correo electrónico participación concurso decoración de Nadal, así como o nome da persoa ou entidade participante.
Os premios serán anunciados na web do Concello de Monterroso o día 5 de xaneiro de 2024 e estarán distribuídos en tarxetas moedeiro para consumir en empresas locais. S
Haberá dúas categorías, a Comercial cun primeiro premio de 250 euros e un segundo de 200 euros e a categoría Asociativa con 150 euros os dous premios.
