O Concello de Palas de Rei vén de informar que vai instalar o servizo de biblioteca e a aula de novas tecnoloxías na primeira e segundo andar do edificio do Centro Comarcal.
O Concello disporá de axudas do GDR-Miño Ulla; da Consellería de Cultura e cursará, nos vindeiros días, unha solicitude de axuda á Deputación Provincial de Lugo para cumprimentar o financiamento deste importante proxecto que complementará a oferta cultural do municipio.
Con esta actuación búscase complementar os servizos xa ofertados no edificio que dispón o Concello en colaboración co Ceip de Palas onde a comezos do ano se inaugurará outra biblioteca xunto coa ocioteca /ludoteca que presta servizo na zona escolar. A previsión e cuadriplicar o número de metros cadrados dispoñibles con respecto a anterior situación e ampliar a sala multimedia e as salas de lectura.
