O Concello de Chantada pon en marcha, como parte da programación para estas datas, un Campamento de Nadal dirixido aos nenos de 3 a 12 anos. A iniciativa estará en funcionamento os días 22, 26, 27, 28 e 29 de decembro e do 2 ao 5 de xaneiro.
A proposta de carácter gratuíto será de 08.00 a 10.00 horas no servizo de madrugadores no pavillón municipal. Os interesados xa poden realizar as súas inscricións na Casa da Cultura.
O prazo para solicitar praza no campamento, que estará impartido por Velaísca, permanecerá aberto desde este martes 12 ata o vindeiro martes 19. Os interesados poden solicitar máis información a través do 982 441 752.
