A Coral Polifónica de Monforte, a Coral Polifónica de Sarria e a Coral de Adultos do Conservatorio de Viveiro protagonizarán o tradicional Concerto de Nadal de Corais do Concello de Monforte.
Este concerto supón, ano tras ano, unha cita ineludible e moi querida polos monfortinos e monfortinas dentro da programación do Nadal municipal, pero tamén polas propias corais, neste caso de Sarria e Viveiro, que veñen participar desta iniciativa.
Deste xeito, o concerto será este venres 22 de decembro ás 20:00 horas na a Igrexa da Nosa Señora da Antiga de Monforte, con entrada gratuíta para todos os públicos.
