O Concello de Bóveda pon en marcha o Programa de Envellecemento Activo para o ano 2024 con actividades totalmente gratuítas de memoria e ximnasia en diferentes parroquias.
Todas elas darán comezo a primeira semana de febreiro e estenderanse ata o mes de maio e as persoas interesadas poden inscribirse chamando ao teléfono 982 42 60 06.
Os lugares elixidos son aqueles que contan cun mínimo de 10 persoas para levarse a cabo as actividades. Se nalgún outro lugar se forma un grupo con este número de persoas, poden poñerse en contacto co Concello para ver a posibilidade de estender as actividades a novos lugares e parroquias.
