O director xeral de Planificación e Ordenación Forestal, José Luis Chan, acompañado do alcalde de Bóveda, José Manuel Arias, supervisou os traballos realizados no viveiro forestal Os Trollos.
Os traballos estiveron centrados na conservación e mellora de recursos xenéticos forestais e as actuacións levadas a cabo enmárcanse nun proxecto de recuperación das masas existentes deste viveiro.
Cun orzamento de 86.230 euros, estiveron orientadas á restauración das mouteiras mediante os oportunos tratamentos silvícolas e traballos de mantemento do horto sementeiro de Pinus pinaster.
