No mes de febreiro darán comezo de novo os traballos de escavación no Castro de Saa, situado na parroquia pastoricense de Baltar, e que ten como obxectivo nesta ocasión descubrir parte do acceso á croa.
Novamente, esta escavación conta co financiamento de Agader e prolongarase durante un mes.
Os traballos previos para a escavación xa se fixeron e consistiron na retirada da capa vexetal do novo espazo que se vai escavar.
Os traballos darán comezo polo parte esquerda do acceso ao castro e a intención é continuar pola parte dereita, pero esa acción realizarase nun futuro próximo.
Traballarán nun espazo de 120 metros cadrados, desde onde rematou a ultima escavación ata a entrada e teñen previsto iniciar novas escavacións durante o ano.
Desde que se iniciaron as escavacións, no 2026, quedaron á vista 1.200 metros cadrados do xacemento durante varias campañas. Destapouse a muralla e con elas varias escadas de acceso, así como vivendas de distintas épocas e o seu sistema de canalización de auga. Os resto atopados foron postos en valor.
