O BNG de Castroverde convoca unha nova mobilización por unha atención primaria digna este martes 6 de febreiro. A concentración será ás 13.00 horas diante do centro médico, onde comezarán cunha campaña de recollida de sinaturas.
Loitar por unha atención sanitaria digna no Concello é unha cuestión prioritaria para o grupo municipal que conseguiu no último pleno celebrado a unanimidade para a defensa desta cuestión. A sesión plenaria aprobou na súa totalidade instar á Xunta de Galicia a que se cubran as ausencias pediátricas e de medicina familiar no centro de saúde de Castroverde.
