A Feira en Defensa do Gandeiro de Montaña, de Cervantes, busca cartel anunciador. Así, publicaron nas redes sociais que teñen un concurso aberto para a fotografía que sairá no cartel.
Haberá que enviar as fotos rurais en formato .jpg ao correo electrónico: fotosfeiracervantes@gmail.com antes do 28 de febreiro de 2024.
Teñen que ser fotos rurais de paisaxes, vacas, etc. sacadas co móbil ou cámara, preferiblemente en formato vertical. E deberán acompañar as fotos co nome e apelidos do autor, teléfono de contacto e lugar da foto.
A foto gañadora será a imaxe do cartel da IV edición da Feira en Defensa do Gandeiro da Montaña e recibirá o día da feira o premio. O resto das fotos poderán ser usadas para promoción da feira, facendo mención ó seu autor.
