Este venres, día 9 de febreiro, tivo lugar o acto de presentación da vixésima cuarta edición do Programa de Actividades de Promoción da Muller 2024 n salón de actos da Casa da Cultura de Outeiro de Rei.
Nesta edición as actividades de promoción da muller do ano 2024 son taichi, horto ecolóxico, cociñando as receitas das nosas avoas, reciclaxe e restauración de mobles. O prazo de inscrición xa está aberto e prolongarase ata o 27 de febreiro.
Contarán con máis actividades como de feira á feira da cerámica de Ponferrada, tecendo con fibras vexetais, obradoiro de cerámica, macramé e tear de bastidor. Ademais das actividades do día 8 de Marzo, Día Internacional da muller, e o 25 de Novembro, Día Internacional contra a violencia de xénero.
As prazas cubriranse sempre por orde de solicitude, tendo preferencia as persoas empadroadas neste municipio. Para máis información visita a web www.outeiroderei.gal ou contacta no 982 393 408.
