A Consellería de Educación vén de investir 12.000 euros nas obras de mellora do CEIP Otero Pedrayo de Rábade.
En concreto, leváronse a cabo varias actuacións no comedor escolar, como a colocación de teito para a mellora do illamento térmico e acústico, a mellora da iluminación, o pintado do almacén e o cambio de canalóns no patio interior.
O Goberno local agradece esta axuda, que posibilita uns avances no centro necesarios e importantes.
