O Club Voleibol Emevé presenta o seu primeiro Campus de Tecnificación e Perfeccionamento, que se celebrará do 7 ao 21 de xullo de 2024. Trátase dunha iniciativa dirixida aos que practican o deporte e queren seguir mellorando no mellor ambiente, nas mellores instalacións e coa axuda dos mellores profesionais.
A actividade está orientada para a rapazada nada entre o 2009 e o 2012 e realizarase en dúas quendas: do 7 ao 14 de xullo e do 14 ao 21. Existe a opción de réxime completo con aloxamento, comidas, actividades de ocio e animación o usó de adestramento.
Organizaranse 6 grupos de 13 xogadoras e a reserva da praza realizarase a través da web. As prazas asignaranse por orde de inscrición e os interesados poden solicitar máis información a través do correo clubemevelugo@gmail.com ou do número 600 406 299.
