Con motivo da celebración do Día Internacional da Muller, o Concello de Outeiro de Rei presenta este venres na Casa da Cultura de Outeiro de Rei ás 17:00 h, o vídeo Ás que tanto nos dan-Concello de Outeiro de Rei.
O Concello volve repetir a iniciativa de anos anteriores coa presentación dun vídeo pensado e elaborado especialmente para este 8-M pero dándolle un enfoque diferente. Nesta ocasión os e as protagonistas serán nenas e nenos que asisten a Outeiro Tardes, iniciativa incluída dentro do programa municipal de conciliación familiar, que se encargarán de facer unha homenaxe a algunhas das mulleres coas que comparten o seu día a día e que sen dúbida son piares fundamentais nas súas vidas.
O acto estará presidido polo alcalde, José Pardo Lombao, e a concelleira de Servizos Sociais, Mª José Martínez Vigo e contará coa presenza dos nenos e das nenas protagonistas e tamén contaremos con Irene Vila Modia, da empresa BuleBule, realizadora deste traballo.
O Concello de Outeiro de Rei anima a todas as persoas que o desexen a asistir a esta presentación e á posterior charla-coloquio.
Ao remate do acto haberá unha degustación de doces.
