O IES A Pinguela de Monforte de Lemos recibiu alumnado de 3º ESO dos IES La Marina de Santa Cruz de Bezana (Cantabria), do IES Las Salinas de Arrecife (Lanzarote) e do IES Valle del Segura de Blanca (Murcia) no cuarto e último encontro da Agrupación de Centros Educativos do Ministerio de Educación para traballar sobre “Diversidade medioambiental e uso sostible da auga nas nosas comunidades”.
Durante a estancia, os alumnos dos catro centros participantes traballarán sobre as diferenzas hídricas e climáticas das comunidades autónomas de Galicia, Cantabria, Murcia e Canarias.
Ademais, aproveitarán o encontro en Galicia para coñecer a Ribeira Sacra, o embalse de Belesar, Santiago de Compostela, a capital lucense, Ourense e o Castro de lás.
Esta iniciativa do Grupo de Centros Educativos ten como obxectivo concienciar e formar sobre o ODS 6 “Garantir a dispoñibilidade de auga e a súa xestión e saneamento sostible para todos” ademais de convivir e establecer vínculos entre o alumnado e o profesorado dos diferentes centros participantes.
