O IES Xograr Afonso Gómez de Sarria celebrou a II Final do Concurso de oratoria Improvisada na que o alumnado amosou as súas competencias para disertar durante un minuto sobre unha palabra descoñecida previamente.
O concurso de Oratoria contou coa presenza da Directora Xeral de Ordenación e Innovación Educativa Dna. Judith Fernández Novoa, coa Xefa Territorial de Educación de Lugo, Sagrario Sánchez Ramil, coa inspectora de Educación Genoveva Ferreiro Pumariño e coa Concelleira de Educación de Sarria Geni Valcarcel López.
Ademais, no mesmo día tivo lugar a xornada de confraternidade entre o IES Xograr Afonso Gómez de Sarria e o IES Río Cabe de Monforte e o IES Martaguisela de O Barco de Valdeorras, cos que realizaron unha visita guiada por Sarria, un xantar e unha Ruta polas Aceas.
