Este domingo terá lugar na Casa das Insuas un novo Curso de ilustración da natureza do 2024, impartido pola debuxante Mariana Roura e organizado pola Asociación Galega de Custodia do Territorio, no que se poden aprender as bases para debuxar a natureza.
O curso conta con catro sesións ao longo do ano. A primeira celebrouse o 24 de marzo (as aves das Insuas) e esta segunda será o 14 de abril, para pequenos mamíferos das Insuas. Continuarán o 26 de maio (a flora das Insuas) e o 23 de xuño (composicións naturalistas: como retratar pequenos tesouros).
Pódese realizar o curso completo ou as sesións que se escollan. A inscrición para este está aberta e para os outros abrirase uns 10 días antes de cada sesión. Esta debe facerse en www.custodiadoterritorio.org/actividades. As prazas son limitadas.
Esta actividade inclúese dentro do acordo de custodia do territorio asinado entre a AGCT e a Deputación de Lugo para a conservación, investigación e divulgación da natureza nas Insuas do Miño e Ollos de Begonte e na Reserva da Biosfera de Terras do Miño.
