Monterroso prepara a Feira de Santos do 1 de novembro, unha das grandes citas tradicionais de Galicia
Monterroso celebrará o domingo 1 de novembro unha nova edición da súa tradicional Feira de Santos, unha das citas máis recoñecidas do calendario feiral galego e declarada Festa de Interese Turístico de Galicia. A xornada combinará actividade comercial, gastronomía e propostas culturais nunha celebración que cada ano reúne veciñanza e visitantes.
A programación manterá algúns dos actos habituais desta convocatoria, entre eles a recepción de autoridades no Concello de Monterroso, así como as visitas ao museo e ao recinto feiral.
A Feira de Santos constitúe unha das celebracións máis arraigadas do municipio, cunha longa tradición vinculada ao encontro de comerciantes, produtores e público arredor dos produtos, os costumes e a cultura popular.
O Concello de Monterroso anima a veciñanza e ás persoas visitantes a participar nesta nova edición dunha feira que mantén vivo o patrimonio cultural e comercial da localidade e que converte o municipio nun punto de encontro para celebrar as tradicións galegas.