Concepto Circo impartiu, o pasado venres 28 de maio, un obradoiro de graffiti no Ies Xograr Afonso Gómez de Sarria. O alumnado de educación plástica de 4º da ESO foi o partícipe do obradoiro que deron Marcos Pereira e Manu Pallín, compoñentes de Concepto Circo, no que se ensinaron varias claves para pintar con spray sobre distintas superficies.
Durante o curso seleccionáronse diferentes frases motivadoras, así coma mensaxes que compartían valores e principios. Tras esto, os artistas plasmaron varias imaxes en muros do centro e o alumnado participou activamente nese deseño.
Esta actividade está enmarcada dentro do programa de innovación educativa Club de Letra.
