O Ministerio de Transportes, Mobilidade e Axenda Urbana (Mitma) iniciará, a partir deste luns 2 de maio, as obras de rehabilitación estrutural do firme da travesía de Guntín en Lugo, entre os km 17,260 e 18,420 da estrada N-540, que discorre entre Lugo e Ourense, nun trazado paralelo á autovía A-54.
Os traballos centraranse fundamentalmente na eliminación parcial e a reposición das capas do firme, nun espesor variable en función das deterioracións observadas en cada tramo, incluíndo calzada beiravías e zonas de aparcamento. Así mesmo, efectuarase a reposición da sinalización horizontal mediante o repintado das marcas viarias existentes. Deste xeito mellorarase a seguridade viaria e a comodidade dos usuarios da N-540.
Para iso, mentres duren os traballos, será necesario efectuar o corte dun carril dando paso alternativo polo carril contrario, comezando este luns 2 de maio e co seguinte horario:
- Luns a xoves: desde as 08.00 horas ata as 20.00 horas.
- Venres: desde as 08.00 horas ata as 13.00 horas.
Así mesmo, instalaranse carteis informativos nas glorietas dos km 13,500 e 18,600 da N-540, recomendando o desvío do tráfico pesado pola A-54, mediante a oportuna sinalización.
