A escola de música de Sarria pecha as matrículas con todas as prazas cubertas de cara ao próximo curso, que comezará a finais de setembro con doce especialidades diferentes.
Un total de 220 estudantes foron os seleccionados para este curso que comeza en setembro e 49 quedaron en lista de espera.
Varios dos participantes cursarán estudos de distintos instrumentos, de entre tódalas matrículas, cabe resaltar que setenta e catro formalizábanse por primeira vez.
ESPECIALIDADES
Do total de matrículas, 19 son en clases de estimulación musical temperá (dirixida a nenos de 0 a 3 anos de idade), 41 en música e movemento, 39 en piano, 8 en piano complementario, 33 en guitarra e acordeón, 26 en clarinete e saxofón, 18 en frauta, 13 en trompeta, trompa e trombón, 5 en tuba e bombardino, 2 en gaita e 27 na especialidade de percusión. A materia con maior demanda por parte dos alumnos é linguaxe musical, con 128 solicitudes.
A escola, situada na rúa Pedro Saco, foi fundada nos anos 70 para crear canteira para a banda municipal de música.
