O Lago DVSport pecha a quenda de inscrición para os xogadores que queiran realizar a súa alta como novo membro da familia na tempada 2022/23. Estas novas altas iranse efectuando ata completar os equipos co máximo de prazas ofertadas para cada categoría de fútbol sala feminino e masculino, ademais da escola de porteiros e a academia de tecnificación.
Este ano o club contará con 11 equipos. Os dous sénior (masculino e feminino), un cadete, dous infantís (masculino e feminino), 3 alevíns, 1 benxamín, 1 prebenxamín e 1 biberón. Os maiores están en Preferente e Primeira Autonómica, respectivamente e en Galega están os cadetes, os dous infantís e 1 equipo alevín. O resto xogan na liga autonómica.
O club oferta prazas en todas as categorías:
- Biberón: anos de nacemento 2017,2018 e 2019.
- Prebenxamín: anos de nacemento 2015 e 2016.
- Benxamín: anos de nacemento 2013 e 2014.
- Alevín: anos de nacemento 2011 e 2012.
- Infantil: anos de nacemento 2009 e 2010.
- Cadete: anos de nacemento 2007 e 2008.
- Xuvenil: anos de nacemento 2004, 2005 e 2006.
Os interesados en inscribirse deberán poñerse en contacto co club no teléfono 679 371 472 ou no correo lagodvsport@gmail.com.
