Esta veciña do concello de Triacastela, vén de cumprir esta fin de semana 100 anos.
Araceli Carballo naceu na parroquia de Cancelo, na casa da Torre, e casou no mesmo pobo que a viu nacer co seu marido que pertencía á casa Belón, tamén na mesma parroquia. Ambos tiveron un fillo e unha filla e contan agora cunha neta e dous bisnetos que son a alegría da casa.
Esta fin de semana acompañouna toda a familia na celebración especial dese cumpreanos, que tamén contou con presenza especial da súa irmá Julia de 94 anos.
A centenaria Araceli Carballo dedicouse durante toda a súa vida aos labores de labranza e tamén ao coidado da casa. Na actualidade, vive na casa familiar co seu fillo Luis e a súa Nora Esperanza e atópase estupendamente.
Con motivo do seu centenario, recibiu a visita da alcaldesa de Triacastela, Olga Iglesias, e do tenente de alcaldesa Óscar Fontal.
A día de hoxe, o concello de Triacastela conta con dúas mulleres centenarias máis a parte de Araceli.
