O alcalde de Sarria, Claudio Garrido, o concelleiro de Deportes, Féliz Seijas, e a concelleira de Festas, Mª Eugenia Valcárcel entregaron os premios aos gañadores da Milla Urbana, que tivo lugar o pasado 31 de decembro no municipio.
Neste certame participaron 140 persoas entre as que destacaron Jorge García Cabanas, gañador na categoría masculina, e Carla Díaz Pardo, gañadora na categoría feminina.
O premio que lles corresponde a cada un deles é o seu peso en produtos cárnicos e porcinos sarriaos. En total, foron 127 quilogramos de chourizos, cachuchas, lacón e xamón que se repartiron en 51 quilogramos para Carla e 76 para Jorge.
Este último xa fora o campión na anterior edición e manifestou a súa intención de doar o premio ao Comedor San Froilán de Lugo.
