O Concello de Sarria destinará preto de 400.000 euros do total dos 520.000 euros do Plan Único a cinco proxectos de mellora de viais.
Deses 400.000 euros, 204.000 euros serán destinados á mellora de accesos en Teilonxe (San Pedro de Froián), acceso á Escola da Pena (Fontela), San Xulián da Veiga, O Romeo (Maside), treitos dentro do núcleo de Manán, Currial (Maside), O Fondón (Ortoá), Ferreiros, Lamparte, acceso a Vilanova desde Mezur e A Pinza.
Ademais, 48.000 euros irán para a renovación de varios firmes, como o da pista de acceso a Treilán desde a estrada LU-546, o da rúa Regata-Oural, a do firme nos accesos a San Silvestre-Barbadelo e do firme da rúa Fornos.
A maiores destes investimentos en obras, outros 58.000 euros empregaranse na adquisición de material e o pintado de estancias interiores da Residencia de Maiores Nosa Señora do Carme, 20.000 euros no Servizo de Axuda no Fogar e 48.000 euros na contratación de seis operarios durante catro meses para os departamentos de Obras, Medio Ambiente e Medio Rural.
