O programa Camiño Escena Norte chega o vindeiro venres 20 a Vegadeo. O Auditorio Félix Menéndez de A Veiga acolle a representación aa obra ‘Circus Magníficus’.
A compañía Malabaracirco será a encargada de poñer en escena a obra ao máis puro estilo cabaret. Trátase dun espectáculo que combina malabares, maxia, equilibros, funambulismo e altas doses de humor.
A peza, que está destinada para todas as idades e especialmente se dirixe a un público familiar, achega aos espectadores as grandes proezas do circo.
