A Comisión de Festas de Vegadeo 2023 organiza para o vindeiro venres 9 de febreiro a festa de Entroido na que contarán co grupo Origen para animar o baile e cunha gran churrascada para os asistentes.
Ás 21.00 horas comezará o gran desfile de Entroido polas rúas de Vegadeo que contará con grandes premios. E ás 00.30 horas será a gran festa co grupo Origen e o DJ Alejandro Martínez.
Xa a partir das 23.00 horas será a cea que terá un prezo de 15 euros anticipada, e se tan so se quere ir á festa serán 3 euros. A cea constará de churrasco, chourizo, sobremesa, pan, viño e auga. Para a churrascada será necesario mercar as entradas aos membros da comisión ou na librería Casa Pérez, librería Patefa ou librería San Pedro.
Para o desfile haberá que inscribirse online previamente antes do xoves 8 ou o mesmo día do evento entre as 14.00 horas e as 16.00 horas na piscina municipal.
