A oitava edición do Festival 17º Ribeira Sacra xa ten data de celebración: os vindeiros días 26, 27 e 28 de xullo, coincidindo en venres, sábado e domingo; segundo informou a organización.
Este evento, que o ano pasado acolleu a 3.000 persoas, supón unha combinación de música, patrimonio, arte, gastronomía e turismo na Ribeira Sacra que deixou o ano pasado arredor de 600.000 euros.
Así, adoita ter diferentes escenarios nos que se desenvolve a través de concellos como Monforte, Sober, A Pobra do Brollón ou Chantada, onde ademais de ter lugar concertos e desfrutar da gastronomía, os asistentes tamén gozan da paisaxe.
