O Ceip Eduardo Cela Vila de Triacastela celebra o seu Entroido con actividades que comezaron xa en xaneiro cos obradoiros de disfraces e os clubs de lectura.
Estas actividades, que se prolongarán ata febreiro, no caso do obradoiro de disfraces ata o vindeiro día 8, estarán acompañadas de outras, como as comandas do meco, que terán lugar do 5 ao 9 de febreiro.
Ademais, celebrarase o Día do Entroido o 9 de febreiro de 9.45 a 16.00 horas no colexio, onde haberá obradoiros, xogos, xantar e desfile por Triacastela cos compañeiros do Ceip Samos.
Tamén participarán do desfile de Entroido en Sarria, que terá lugar o domingo 11 e xa o xoves 15 de febreiro celebrarase o Enterro do Ferreiro, coa despedida do meco e enterro dos desexos.
