Permanece cortado un carril da estrada LU-P-2408, en Guntín, ao inicio da vía á altura do quilómetro 1. Este corte dáse tras un afundimento do firme provocado polas intensas choivas dos últimos días e a crecida do río de Perros ao seu paso polo municipio.
A circulación está aberta polo outro carril para turismos e debidamente sinalizada na zona afectada. A Deputación de Lugo xa traballa na valoración das obras necesarias para arranxar os danos ocasionados, que acometerá no menor tempo posible.